Fyrstu makrílfarmarnir komnir til Austfjarða
Fyrsti makrílaflinn til Austfjarða á þessari kom til Vopnafjarðar í síðustu viku. Sá fyrsti til Norðfjarðar kom í gær og skip fleiri útgerða eru farin til veiða.Fyrsti aflinn til Vopnafjarðar var blandaður með síld en á þriðjudag kom Víkingur AK með 600 tonn og Venus í gær með 750 tonn.
Í frétt á vef HB Granda segir að makríllinn sé stór og átulítill. Skipin hafa verið að veiðum suðaustur af Vestmanneyjum. Makríllinn virðist ögn síðar á ferðinni en síðustu ár en fréttir eru af góðri göngu í grænlenskri lögsögu þannig veiðimenn eru bjartsýnir.
Í gær kom Vilhelm Þorsteinsson til Norðfjarðar með fyrsta makrílinn sem berst þangað á vertíðinni. Aflinn var 700 tonn upp úr sjó eða 500 tonn fryst.
Aðalsteinn Jónsson kom til Eskifjarðar í morgun og Guðrún Þorkelsdóttir er á miðunum. Hoffellið frá Fáskrúðsfirði er nýkomið þangað.