Fór út af á Öxi

Ökumaður slapp ómeiddur þegar bifreið hans skautaði út af í neðstu beygjunni af leiðinni niður af Öxi í gær. Þá slapp hjólreiðamaður vel þegar hann varð fyrir bifreið á Háreksstaðaleið í síðustu viku.

Óhappið á Öxi varð um miðjan dag í gær. Samkvæmt upplýsingum frá lögreglu er vegurinn þar nokkuð laus í sér og varasamur fyrir óvana ökumenn.

Þá var ekið utan í reiðhjólamann á Háreksstaðaleið síðasta föstudag. Sá mun hafa hruflast eitthvað en sloppið vel miðað við atvikið.

Umferðin á Austurlandi hefur gengið stóráfallalaust í sumar. Töluvert er þó um umferðarlagabrot, einkum hraðakstur. Vikan hefur annars verið róleg hjá lögreglunni á Austurlandi.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.