Flutningabíll út af á Fjarðarheiði

Flutningabíll fór út af í Norðurbrún á Fjarðarheiði í morgunn. Engin slys urðu á fólki. Ferjan Norræna flýtti för sinni til og frá landinu vegna veðurs.

Ökumaður var einn í bílnum en slapp ómeiddur. Bíllinn var að koma úr Norrænu og var ekki útbúinn til aksturs í íslenskri vetrarfærð. Verið er að undirbúa að koma honum aftur upp á veginn.

Umferð hefur að öðru leyti gengið ágætlega þrátt fyrir hálku.

Ferjan kom til Seyðisfjarðar í gærkvöldi en byrjað var að afgreiða hana klukkan sjö í morgun. Hún hélt svo af landi brott strax klukkan eitt, í stað þess að bíða til morguns eins og hún hefði átt að gera samkvæmt áætlun, vegna veðurspár.

Mynd: Aðsend

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.