Fleiri smit greinast frá LungA
Farsóttarnefnd Landspítalans mælist til þess að þeir starfsmenn spítalans sem sóttu LungA hátíðina á Seyðisfirði fari sem fyrst í skimun. Ástæðan er að COVID smit eru að greinast í þessum hópi.Eins og fram hefur komið í fréttum fyrr í vikunni greindust tveir af gestum LungA hátíðarinnar með COVID. Nú er ljóst að smitin voru fleiri.
„Farsóttanefnd mælist til þess að þeir starfsmenn Landspítala sem sóttu hátíðina LungA á Seyðisfirði um síðustu helgi eða hafa tengsl við fólk sem var þar, fari í skimun vegna COVID-19 sem fyrst,“ segir í tilkynningu á vefsíðu Landspítalans.
„Smit eru að greinast hjá fleirum úr þessu hópi og mikilvægt að ná utan um dreifinguna sem allra fyrst.“