Fjarðalistinn og Framsókn láta reyna á viðræður
Fjarðalistinn og Framsóknarflokkurinn sem bauð fram með liðsstyrk óháðra ætla að láta reyna á myndun meirihluta í bæjarstjórn Fjarðabyggðar.Þetta staðfestir Eydís Ásbjörnsdóttir, oddviti Fjarðalistans, í samtali við Austurfrétt.
„Við ræddum við hin framboðin aftur í gær og niðurstaðan að því loknu var ákveðið að láta reyna á viðræður við Framsókn,“ segir Eydís. Niðurstöður fundanna í gær voru kynntar fyrir lykilfólki Fjarðalistans í morgun þar sem tekin var ákvörðun um næstu skref. Fyrirhugað er að fulltrúar listanna tveggja hittist síðar í dag.
Fjarðalistinn og Framsóknarflokkurinn mynduðu síðast meirihluta í bæjarstjórn Fjarðabyggðar árin 2002-2010, en árið 2006 sameinaðist það Austurbyggð undir merkjum Fjarðabyggðar. Framsóknarflokkurinn hefur síðan verið í meirihlutasamstarfi með Sjálfstæðisflokknum en sá meirihluti féll í kosningunum um síðustu helgi. Fjarðalistinn fékk þar fjóra fulltrúa og komst þar með í lykilstöðu við myndun meirihluta.
