Fjarðalistinn bætir við sig fylgi en ekki manni

Fjarðalistinn bætir við sig rúmlega 8 prósentustiga fylgi í Fjarðabyggð frá seinustu kosningum miðað við skoðanakönnun sem Fréttablaðið birtir í dag . Engar breytingar verða samt á fulltrúafjölda.

 

Mynd: Vísir.isFjarðalistinn mælist með 42,1% fylgi en fékk 33,8% atkvæða í kosningunum 2006 og fær líkt og þá fjóra fulltrúa. Hann bætir við sig 8,3 prósentustigum.

Sjálfstæðisflokkurinn mælist með 36.4% fylgi en fékk 32,6% í kosningunum og bætir við sig 3,8 prósentustigum. Hann fær þrjá menn kjörna eins og hann hefur.

Framsóknarflokkurinn tapar fylgi, fer úr 25% í 21,5% en heldur báðum bæjarfulltrúum sínum og tapar 3,5% prósentustigum.

Biðlistinn, sem bauð fram 2006, er ekki með að þessu sinni en fékk þá 5,9%.

Konur eru líklegri til að kjósa Fjarðalistann eða 47% en tæp 37% karla. Karlar eru líklegri til að kjósa Framsóknarflokkinn eða Sjálfstæðisflokkinn en munurinn er ekki jafn mikill.

Hringt var í 600 manns í gærkvöldi og tóku 55% afstöðu. Valið var með slembiúrtaki úr þjóðskrá. Svarendur skiptust jafnt eftir kyni og hlutfallslega eftir aldri.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.