Fjandsamlegar úthlutunarreglur byggðakvóta?
Sveitastjórn Djúpavogshrepps er afar ósátt við að engum byggðakvóta var úthlutað í byggðarlagið á yfirstandandi fiskveiðiári.
Í bókun frá seinasta sveitarstjórnarfundi er úthlutun byggðakvóta lýst sem „sjónarspili,“ enda sé byggðarlaginu hafnað um byggðakvóta þrátt fyrir að dregið hafi úr skráðum aflaheimildum á svæðinu undanfarin ár.„Ljóst er að þær forsendur, sem viðhafðar eru við útreikning á byggðakvóta eru meingallaðar og beinlínis fjandsamlegar litlum jaðar- og sjávarbyggðum eins og Djúpavogi sem á mjög mikið undir í þessari atvinnugrein.“
