Fannst látinn í Jökulsá í Lóni

Karlmaður á fimmtugsaldri, sem féll í Jökulsá í Lóni á áttunda tímanum í gærkvöldi fannst látinn á fyrsta tímanum í nótt.

Maðurinn var í hestaferð í um 20 manna hópi þegar atvikið átti sér stað. Björgunarsveitir frá Höfn, Djúpavogi, Fáskrúðsfirði og Breiðdalsvík voru kallaðar út. Leitað var með hjálp hunda, ljósavéla og ljóskastara. Þyrla Landhelgisgæslunnar var einnig kölluð út.