Engin ný Covid-smit
Ekki hefur greinst nýtt Covid-smit síðan á föstudag en þá greindist einstaklingur utan sóttkvíar.Töluverður fjöldi fólks úr smitgát og sóttkví fór í sýnatöku vegna smitsins í dag. Í tilkynningu frá aðgerðastjórn almannavarna á Austurlandi segir að vonast sé til að öll þau sýni verði neikvæð og tekist hafi að koma í veg fyrir frekari útbreiðslu.
Í dag var tilkynnt að slakað verði á smitvörnum þótt enn greinist fjölmörg smit daglega í landinu. Aðgerðastjórnin brýnir fyrir fólki að sinna vel áfram persónubundnum sóttvörnum.
Þá sé mikilvægt að fólk fari í sýnatöku finni það fyrir einkennum. Töluvert er af kvefi og öðrum umgangspestum á ferðinni. Því skiptir máli að einkenni þeirra gætu verið Covid-19.
Fljótlegt er að bóka sýnatöku á heilsuvera.is og niðurstöður úr sýnatöku eru langoftast að koma samdægurs.
„Gætum hvert að öðru og gerum þetta saman.“