Engar breytingar hjá Arion á Egilsstöðum
Engar breytingar urðu á eina útibúi Arion-banka á Austurlandi, sem staðsett er á Egilsstöðum, í umfangsmiklum breytingum sem kynntar voru hjá bankanum í morgun.Stjórn bankans samþykkti í morgun nýtt skipulag bankans, sem ætlað er að lækka kostnaðarhlutfall í rekstri verulega.
Breytingarnar fólu í sér að fækkað verður um 100 starfsmenn hjá bankanum, sem eru 12% heildarstarfsmannafjöldans. Af þeim sem missa vinnuna við breytingarnar starfa um 80 í höfuðstöðvum bankans en um 20 í útibúum.
Samkvæmt upplýsingum frá samskiptasviði bankans urðu engar breytingar í útibúinu á Egilsstöðum við þessar skipulagsbreytingar.
