Ekki fleiri smit tengd sjúkrahúsinu
Ekki hafa greinst fleiri smit sem tengjast Umdæmissjúkrahúsi Austurlands í Neskaupstað síðan smit var staðfest hjá starfsmanni þar á föstudagskvöld. Aðeins fjórir eru í sóttkví.Þetta kemur fram í tilkynningu frá aðgerðastjórn almannavarna á Austurlandi.
Tekin voru sýni úr um 70 manns í Neskaupstað á laugardag. Ekkert þeirra reyndist jákvætt. Fjórir starfsmenn eru þó áfram í sóttkví.
Síðar í vikunni er fyrirhugað að taka sýni aftur af þeim starfsmönnum sem eru í sóttkví og smitgát.