Ekkert sem bendir til sóttvarnabrots
Lögreglan á Austurlandi hefur ekki fundið neinar upplýsingar sem benda til þess einstaklingur hafi rofið einangrun og brotið sóttvarnalög í Neskaupstað í dag. Rannsókn málsins er lokið.Ákveðið var að loka þjónustumiðstöð Olís í Neskaupstað um kvöldmatarleytið í kvöld meðan ábendingar sem lögreglu bárust um að einstaklingur, sem átti að vera í einangrun vegna Covid-19 smits hefði komið inn á stöðina í dag, voru rannsakaðar.
Samkvæmt upplýsingum frá lögreglu fundust engar sannanir fyrir fullyrðingunum. Í kvöld var bæði rætt við fólk sem var á staðnum og skoðaðar upptökur úr eftirlitsmyndavélum. Málinu er því lokið af hálfu lögreglu.