Einn besti maímánuður sögunnar
Nýliðinn maímánuður var einhver sá besti sem mælst hefur á Austurlandi. Hæsti meðalhiti á landinu var á Egilsstöðum.Þetta kemur fram í samantekt Veðurstofunnar fyrir mánuðinn.
Meðalhitinn á Egilsstöðum var 7,8 gráður sem þýðir að þetta er þriðji hlýjasti maímánuður sem mælst hefur á stöðinni þau 63 sem mælt hefur verið.
Á Dalatanga var meðalhitinn 6,2 gráður og er mánuðurinn eining sá þriðji hlýjasti á þeirri stöð þar sem mælingar hafa verið stundaðar í 80 ár. Á Teigarhorni varð hann níundi í röðinni og meðalhitinn 6,3 gráður.
Hæsti hiti mánaðarins mældist hins vegar í Ásbyrgi. Í samantektinni kemur fram að hiti í apríl og maí hafi verið tveimur stigum yfir meðaltali á Egilsstöðum og vorið það sjöunda hlýjasta af 64.