Egilsstaðir fyrsti viðkomustaður TF-GNA
Egilsstaðaflugvöllur varð í dag fyrsti viðkomustaður nýrrar þyrlu Landhelgisgæslunnar, sem fengið hefur einkennisstafina TF-GNA.Hún er þriðja leiguþyrla gæslunnar af gerðinni Airbus Super Puma EC225. Hinar tvær, TF-GRO og TF-EIR hafa þótt reynast vel eftir að þær bættust í flotann fyrir tveimur árum.
Þyrlan fór frá Stavangri í Noregi í gær og hafði viðkomu á Hjaltlandseyjum og Færeyjum áður en hún lenti á Egilsstaðaflugvelli rétt fyrir klukkan fjögur í dag.
Þar stoppaði hún stutt við til að taka eldsneyti, áður en flogið var áfram suður til Reykjavíkur.