Eftirvagn losnaði aftan úr olíuflutningabíl á Fagradal
Betur fór en á horfðist þegar tengivagn losnaði aftan úr olíuflutningabíl á Fagradal á þriðja tímanum í dag. Umferðartafir eru á svæðinu þar sem önnur akreinin er lokuð vegna óhappsins.Samkvæmt upplýsingum frá lögreglu er verið að tæma eftirvagninn. Olíubíllinn stendur úti í kanti en önnur akreinin er lokuð.
Lögregla er á svæðinu við Neðri-Launá og stýrir umferð þar um. Búast má við töfum eitthvað fram eftir vegna þessa.
Enginn leki er frá bílnum og engin slys urðu á fólki í óhappinu.
Uppfært 18:00: Aðgerðum er lokið á staðnum og bíllinn fjarlægður. Umferð um Fagradal gengur því sinn vanagang.
