Byggja fjórar nýjar leiguíbúðir á Norðfirði
Leigufélagið Bríet ætlar með fulltingi Fjarðabyggðar að byggja fjórar nýjar leiguíbúðir á Norðfirði og er stefnt að því að framkvæmdir hefjist með vorinu.
Umrætt félag, Bríet, er í eigu Húsnæðis- og mannvirkjastofnunar hvers tilgangur er að styrkja húsaleigumarkaðinn í landinu með sérstaka áherslu á landsbyggðina. Félagið rekið að norrænni fyrirmynd, er óhagnaðardrifið og leiguverði stillt mjög í hóf.
Bríet hefur áður átt samstarf við Fjarðabyggð en þá vegna byggingu leiguíbúða á Fáskrúðsfirði en unnið er að útfærslu þess verkefnis. Sömuleiðis er samstarf við Múlaþing vegna bygginga leiguíbúða á Seyðisfirði
Nú verður auglýst eftir áhugasömum byggingaraðilum til verksins á Norðfirði og vonast til að framkvæmdir hefjast í vor ef samkomulag næst að því er fram kemur á vef Fjarðabyggðar.