Bruni símastrengja vekur undrun
Svo virðist sem kviknaði hafi í út frá símastrengjum, sem jafnvel eru aflagðir, í brúnni yfir Lagarfljót í gær.Í fyrstu var talið að kviknað hefði í út frá rafstrengjum en nú er orðið ljóst að bruninn var í símstrengjum í eigu Mílu sem jafnvel eru aflagðir.
Enn er verið að kanna og staðfesta upptök brunans, samkvæmt upplýsingum frá Vegagerðinni. Þá verður farið yfir aðrar lagnir sem í brúnni eru.
Brúarvinnuflokkur Vegagerðarinnar er væntanlegur austur á land eftir helgi og var viðgerð á Lagarfljótsbrúnni meðal þess sem honum var ætlað að gera.
Skipta þarf út timbrinu í brúargólfinu, sem slitnað hefur hratt eftir að lokið var við að setja það á fyrir um ári síðan. Síðan verða settar járnmottur á brúna eins og voru áður. Þær eru væntanlegar frá Danmörku í mái og verða settar á í júní.
Vegagerðin hefur um allnokkurt skeið bent á að huga þurfi að endurgerð Lagarfljótsbrúarinnar. Endurnýjun hennar er á samgönguáætlun á tímabilinu 2029-2033.