Breytingar í leik- og grunnskólum Fjarðabyggðar bíða nýs árs
Tveir rýni- og starfshópar sem Fjarðabyggð fékk til að greina og grandskoða breytingar til batnaðar í skólastarfi leik- og grunnskóla sveitarfélagsins til framtíðar hafa sett vinnu sína á ís til nýs árs sökum kjaradeilna Kennarasambands Íslands
Um tíma hafa verið starfandi af hálfu Fjarðabyggðar hópar sem ætlað er að leita leiða til að straumlínulaga og betrumbæta skólastarf í víðri merkingu enda sveitarfélaginu annt um að allt skólastarf sé eins öflugt og faglegt og kostur er.
Hóparnir báðir fundað nýlega og í þeim báðum verið samþykkt að fresta frekari vinnu þangað til farsæl lausn fæst í kjaradeilu Kennarasambands Íslands, Sambandi íslenskra sveitarfélaga og íslenska ríkisins.
Kennarar við eina níu skóla landsins sem kunnugt er verið í verkfalli frá síðustu mánaðarmótum og í vikunni bættust við kennarar úr Menntaskólanum í Reykjavík. Lítið bólar á lausn málsins á þessu stigi sem helgast að einhverju leyti að því að Alþingi er ekki starfandi með eðlilegum hætti.
Þeir kjarasamningar sem verða á endanum samþykktir geta hugsanlega haft töluverð áhrif á niðurstöðu starfshópa Fjarðabyggðar og því frestun vinnunnar talin heillavænlegust að sinni.
