Breytingar á stjórnendum LungA-skólans og Hallormsstaðaskóla
Björt Sigfinnsdóttir, skólastjóri og einn stofnenda LungA-skólans, hefur látið af störfum hjá skólanum. Corelis Aaart Meijles mun stýra Hallormsstaðaskóla næsta vetur.Í tilkynningu frá LungA-skólanum eru Björt færðar þakkir fyrir ötult nýsköpunarstarf í þágu skólans og samfélagsins frá stjórn og starfsfólk og henni færðar heillaóskir inn í næstu verkefni. Þar segir að staða skólastjóra verði auglýst laus til umsóknar á næstu dögum.
Á Hallormsstað mun Cornelis, eða Cees eins og hann er kallaður, leysa af Bryndísi Ford skólameistara, en hún er á leið í námsleyfi. Hann er fæddur í Hollandi og ólst upp á bóndabæ sem varð til þess að hann fór í landbúnaðarskóla en kom síðan til Íslands í verknám, ásamt konu sinni Tineke. Þau heilluðust af landinu og fluttu hingað árið 1992.
Cees er með háskólamenntun í jarðvegsfræði, plötufræðum og umhverfisverkfræði. Hann hefur meðal annars starfað sem stundakennari við Landbúnaðarháskóla Íslands, sem ráðunautur í loftslagsvænum landbúnaði hjá Rannsóknamiðstöð landbúnaðarins og Frísland-héraði í Hollandi og að stefnumótun og Þórunn verkefna í úrgangsmálum og að hringrásarhagkerfinu á Íslandi og í Hollandi.
Þau Tineke þekka vel til Austurlands þar sem þau hafa dvalið í sumarhúsi í Fáskrúðsfirði mörg sumur, að því er fram kemur í frétt Hallormsstaðaskóla.
