Blankalogn gagnvart Covid-19
Aðgerðastjórn almannavarnanefndar Austurlands segir blankalogn ríkja í fjórðungnum hvað varðar Covid-19 smit. Hún áréttar þó sem fyrr að lítið megi út af bregða til að bresti á með kalda og jafnvel roki.Þetta kemur fram í tilkynningu aðgerðastjórnar frá í dag. Þar eru íbúar hvattir til að halda sínu striki í smitvörnum til að geta áfram notið blíðunnar. Enginn er í sóttkví eða einangrun á Austurlandi í dag vegna veikinnar.
Norræna kom í morgun til Seyðisfjarðar og fóru 57 farþegar í land eftir sýnatöku. Farþegar fengu leiðbeiningar um þær reglur er gilda um sóttkví og seinni sýnatöku að fimm til sex dögum liðnum.
