Bílar og hús skemmd eftir ákeyrslu
Fréttir • This email address is being protected from spambots. You need JavaScript enabled to view it. • Fyrst birt 09. des 2022 18:22 • Uppfært 09. des 2022 18:24
Tvö hús við Strandgötu á Eskifirði og þrjár bifreiðar eru skemmdar eftir árekstur sem ökumaður, sem grunaður er um ölvun við akstur, olli síðustu nótt.
Samkvæmt upplýsingum frá lögreglu ók maðurinn á annan bíl sem síðan lenti á öðrum bíl. Allir bílarnir þrír skemmdust auk tveggja húsa í atganginum. Skemmdirnar á húsunum eru taldar minniháttar.
Tveir voru í bílnum og voru báðir handteknir. Annar þeirra þurfti þó fyrst á læknisaðstoð að halda. Félagarnir gistu síðan í fangageymslu. Þeir voru yfirheyrðir í dag og látnir lausir að því loknu.
Grunur er um bæði hraðaakstur og ölvun. Málið telst upplýst.
