Betra Sigtún og Framsóknarflokkur hefja formlegar viðræður
Betra Sigtún og B-listi, Framsóknarflokks og óháðra, hafa ákveðið að hefja formlegar viðræður um myndun meirihluta í sveitarstjórn Vopnafjarðar.Þetta kemur fram í yfirlýsingu sem framboðin sendu frá sér í dag. Þau hafa starfað saman í meirihluta frá í byrjun desember og fengu samanlagt fimm fulltrúa af sjö í sveitarstjórninni. Til viðbótar fékk Samfylkingin tvo fulltrúa.
Á Facbook-síðu Betra Sigtúns segir að framboðið hafi rætt við fulltrúa beggja mótframboðanna og ljóst sé að ekki muni miklu í áherslumálum framboðanna þriggja. Því megi búast við góðu samstarfi þeirra allra á komandi kjörtímabili.
