Glæsimark Jesus dugði ekki til að bjarga Leikni

Leiknir Fáskrúðsfirði sökk enn dýpra inn í fallbaráttu fyrstu deildar karla þegar liðið tapaði 2-1 fyrir Þór á Akureyri. Leiksins verður hins vegar minnst fyrir glæsimark Jesus Suarez.


Jesus jafnaði fyrir Leikni á 71. mínútu með bylmingsskoti af milli 30 og metra færi. Jesus fékk boltann við miðjubogann eftir að Þórsarar hreinsuðu frá eftir sókn Leiknis, lék honum fram á við og lét vaða.

Heimamenn í Þór skoruðu hins vegar sigurmarkið mínútu fyrir lok venjulegs leiktíma. Skömmu síðar fékk Viðar Jónsson, þjálfari Leiknis, rautt spjald fyrir kjaftbrúk.

Leiknir er í næst neðst sæti deildarinnar þegar hún er hálfnuð með sjö stig, fjórum stigum á eftir næsta liði.

Mark Jesus má sjá í meðfylgjandi myndbandi.

 

 

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.