Sjö Austfirðingar í liði ársins í annarri deild
Sjö leikmenn Hugins og Leiknis voru valdir í úrvalslið ársins í annarri deild karla í knattspyrnu á lokahófi Fótbolti.net um helgina. Brynjar Skúlason, þjálfari Hugins var valinn þjálfari ársins og Björgvin Stefán Pétursson, fyrirliði Leiknis, leikmaður ársins.Árangur Austfjarðaliðanna tveggja hefur vakið mikla athygli. Huginn, sem spilaði engan æfingaleik, vann deildina og Leiknismenn, sem voru nýliðar í deildinni, fóru beint upp í fyrstu deild.
Það endurspeglast meðal annars í vali á þjálfurum ársins þar sem Brynjar fór með sigur af hólmi en liðinu var spáð fallbaráttu fyrir tímabilið. Viðar Jónsson, þjálfari Leiknis, var hinn þjálfarinn sem fékk atkvæði í kjörinu.
Björgvin Stefán var lykilmaður hjá Leikni, spilaði alla leikina 22, skoraði tólf mörg og varð næst markahæstur í deildinni.
Auk hans eru Paul Bogdan Nicolescu og Fernando Garcia Castellanos úr Leikni í liði ársins en úr Huginn koma Stefan Spasic, Birkir Pálsson, Fernando Calleja Revilla og Marko Nikolic.
Fimm af sjö varamönnum úrvalsliðsins koma að austan: Atli Gunnar Guðmundsson, Orri Sveinn Stefánsson og Blazo Lelevic úr Huginn, Julio Francisco Rodriguez Martinez úr Leikni og Jordan Farahani úr Hetti.
