Krummi krunkar úti og Gamli Nói lög unga fólksins í dag – Myndir
Bófar, þingmenn, nornir og fleiri furðufuglar heimsóttu ritstjórnarskrifstofur Austurfréttar á Hugvangi í dag. Voru þar á ferðinni krakkar klæddir upp í tilefni öskudagsins.
Krakkarnir sungu fyrir starfsmenn þar en að auki eru í húsinu skrifstofur Vinnueftirlitsins, AN Lausna, Bókstafs, PES, Sólsystra, Austurnets og Augasteina.
Að loknu sönglagi og myndatöku hóparnir fengu hóparnir karamellur að launum.
Lagaval dagsins var óvenju fjölbreytt, sem meðal annars kann að helgast af því að ekki er búið að velja framlag Íslands í Evrópusöngvakeppnina. Það hefur oft verið vinsælt.
Krummi svaf í klettagjá, Gamli Nói og Glaðasti hundur í heimi voru þau lög sem oftast voru sungin í dag samkvæmt lauslegri samantekt Austurfréttar. Vert er að taka fram að seinni lögin tvö voru sungin með nokkrum mismunandi textum.
Einn hópur mætti með frumsamið lag og annar með öskudagssöng við Ex‘s and Oh‘s vinsælt lag Ellie King frá síðasta ári sem fjallar um hvernig hún dregur táldregur karlmenn.
Af öðrum lögum má nefna Horfðu til himins með Ný dönsk, Bahama, Lífið er yndislegt, Egilsstaðabeljurnar, Ríðum sem fjandinn, Lollipop Song, Hani Muni, Narwheels, Cup Song og þorrablótssöng Fellamanna.
Búningavalið var ekki síður fjölbreytt eins og sjá má á meðfylgjandi myndum.