Kynning á notkun hitamyndavéla og leiðum til orkusparnaðar í Neskaupstað
Félagsskapur sem kallar sig Orkuboltana stendur fyrir fyrirlestri í Neskaupstað í dag um hvernig nota má hitamyndavélar til að greina varmatap í húsum og spara orku. Fyrirlesari en Baldvin Harðarson frá Hitamyndum í Færeyjum.Baldvin myndaði í haust 22 íbúðarhús í Fljótsdal en hann vann það verkefni í samstarfi við Orkusetur. Markmiðið er að greina hvar varmi tapast úr húsunum þannig að hægt sé að grípa til aðgerða og spara hitunarkostnað.
Baldvin kynnti niðurstöður úttektar sinnar á fundi í Fljótsdal í gær og mun fara aftur yfir þær og fleira í Neskaupstað í dag.
Með honum í för er Áki Mortensen sem selt hefur varmadælur í Færeyjum í áratug.
Fyrirlesturinn verður í fyrirlestrastofu í Verkmenntaskóla Austurlands og hefst klukkan 16:00.
