Norðfjarðargöng

Lokið við að styrkja í Norðfjarðargöngum

Lokið var við að styrkja Norðfjarðargöng um miðjan janúarmánuð. Hafinn er undirbúningur að uppsetningu vatnsklæðninga á þeim svæðum þar sem einhver leki er úr lofti og veggjum og verður unnið við það á næstu mánuðum.


Samhliða því fer fram vegagerð í göngum Fannardalsmegin, en byrjað var á því um leið og steypuvinnu lauk við vegskála þar. Fyrsta verkefni vegagerðarhlutans er vinna við frárennslislagnir og ídráttarrör í jörð. Einnig er unnið að mölun steinefna sem notuð verða við lagnavinnuna, sem og burðarlög vegarins.

Þá er hafin vinna við uppsteypu vegskála í Eskifirði og tæknirýma í göngum.

Áætlun verktaka miðast nú við að ljúka malbikun í jarðgöngum fyrir næsta vetur, en vinna við rafbúnað verður væntanlega í gangi fram á sumar 2017, ásamt því að ljúka við vegagerð og frágang utan ganga. Sem fyrr, er gert ráð fyrir verklokum 1. september 2017.

Mynd 1: Vegskáli í Fannardal er nú fullsteyptur.
Mynd 2: Botnplata í tæknirými í útskoti steypt.
Ljósmyndir: Hermann Hermannsson/Hnit verkfræðistofa

 nordfjardargong 20160201 2

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.