Þurfa að skipta gólf í félagsheimilinu eftir leka
Skipta þarf um gólfið í gamla salnum í félagsheimilinu Herðubreið eftir vatnsleka þar í byrjun febrúar. Nýta á tækifærið til að breyta húsinu.Gólfið í gamla íþróttasalnum, sem að undanförnu hefur verið notaður sem matsalur, eyðilagðist þegar hitavatnslögn í húsinu gaf sig fyrir skemmstu. Búið er að rífa upp gólfið og borða nemendur nú á annarri hæð íþróttamiðstöðvarinnar.
Vilhjálmur Jónsson, bæjarstjóri, segir ekki ljóst hve mikið tjónið er en bærinn sé tryggður fyrir því. Ekki sé heldur ljóst hvenær nýtt gólf verði sett í salinn en menn gefi sér góðan tíma til að þurrka salinn vel.
Þá verði horft til þess að endurbæta húsið og koma fyrir dyrum á suðurhlið salarins þannig að hægt sé að ganga beint út úr honum. Endurbæturnar verða gerðar í samráði við Minjastofnun. Salurinn er byggður árið 1964 og þykir gerð hans fágæt miðað við þann tíma.
Salurinn er töluvert notaður fyrir LungA skólann og hátíðina. Mynd: LungA