Innleiðing Cittaslow í Djúpavogsskóla hlýtur styrk frá Erasmus+
Erasmus+ hefur veitt Djúpavogsskóla drjúgan styrk til innleiingar Cittalow í skólastarf í samstarfi við grunn- og leikskóla í Orvieto á Ítalíu. Styrkurinn var veittur og nemur allt að 9,6 milljónum íslenskra króna.Innleiðing Cittaslow í Djúpavogsskóla hófst um síðustu áramót að tilstuðlan Bryndísar Skúladóttur leikskólakennara og landvarðar, sem varð verkefnastjóri yfir verkefninu. Hugmyndin er að innleiðingin nái yfir 2,5 ár.
Áður hefur innleiðing Cittaslow í Djúpavogsskóla hlotið 2,1 miljóna styrk úr Sprotasjóði Mennta- og menningarmálaráðuneytisins. Verkefnið hefur því fengið góðar undirtektir.
Markmið Cittaslow í skólastarfi er að ala upp meðvitaða og ábyrgra borgara í þar sem virðing fyrir fólki, staðbundinni menningu, sterkri umhverfisvitund og sjálfbærni er í heiðri höfð.
Cittaslow-hreyfingarin gengur útá að auka lífsgæði og ánægju fólks með því að veita hnattvæðingu, einsleitni og hraðaáráttu í borgum og bæjum viðnám og heiðra þess í stað sérstöðu, vitund og sjálfbærni. Lögð er áhersla á verndun náttúru og menningarminja, fegrun umhverfis, umhverfisgæði, notkun á nýjustu tækni í þágu samfélagsins, eflingu staðbundinnar matarmenningar og framleiðslu, öryggi og aðgengi, sem og gestrisni, kurteisi og vinsamlegt viðmót.