Fortitude í Oddsskarði eftir hádegi
Búast má við töfum á umferð um Oddsskarð næstu daga vegna vinnu við gerð Fortitude-þáttanna.
Í tilkynningu frá aðstandendum þáttanna segir að tökur verði í Oddsskarði eftir hádegi í dag og á morgun. Þar verður umferð stjórnað eða stöðvað tímabundið.
Ökutæki tökuliðsins verða flest geymd á bílaplani við skíðamiðstöðina. Fyrri part dags verður tekið upp á Eskifirði.
Á sunnudag má búast við lokunum í miðbæ Eskifjarðar í kringum verslun Samkaupa. Síðan verður farið upp í beygjuna á Norðfjarðarvegi ofan Eskifjarðar. Þar verður umferð stjórnað og mögulega stöðvuð tímabundið.
