Fangelsisrefsing fyrir ölvunarakstur
Héraðsdómur Austurlands dæmdi nýverið karlmann um fimmtugt í 30 daga fangelsi fyrir ítrekað ölvunarakstur.
Lögregla hafði afskipti af manninum innan við Egilsstaði í vor og mældist vínandamagn í blóði hans 1,95 prómill.
Þetta er í þriðja skiptið sem honum er gerð refsing fyrir ölvunarakstur en hin skiptin voru 2011 og 2013.
Þótt hann játaði brot sitt þótti rétt, með tilliti til dómaframkvæmdar, að dæma hann í 30 daga fangelsi óskilorðsbundið. Hann þarf einnig að greiða rúmar 30 þúsund krónur í sakarkostnað.