Engihlíðarbúið afurðahæsta austfirska mjólkurbúið
Félagsbúið Engihlíð í Vopnafirði var afurðahæsta mjólkurbúið á Austurlandi á síðasta ári og það fjórða hæsta yfir landið.
Þetta kemur fram í samantekt Ráðgjafarmiðstöðvar landbúnaðarins sem birtist í nýja tölublaði Bændablaðsins.
Meðalnyt á hverja kú á búinu voru 7.834 kg sem gerir það að fjórða afurðahæsta búi landsins en árskýr voru þar 55,7 talsins. Hæst var Gautsstaður á Svalbarðsströnd þar sem meðalnytin voru 8.308 kg.
Tvær kýr að austan komast á lista yfir 45 afurðahæstu kúnna á landsvísu. Kýr númer 1570 frá Ketilsstöðum í Hjaltastaðaþinghá er í 30. sæti en hún skilaði 11.269 kg á síðasta ári. Kýr númer 718 á Innri-Kleif í Breiðdal er níu sætum neðar og skilaði 11.059 kg.
Á Austurlandi voru 23 kúabú í fyrra og alls 1.304 kýr á skýrslu. Meðalnyt þeirra voru 5.848 kg.
