Bók Kristborgar Bóelar beint í efsta sætið
Bókin 261 dagur, fyrsta bók austfirska rithöfundarins Kristborgar Bóelar Steindórsdóttur, fór beint í efsta sæti metsölulista Eymundsson vikuna sem hún kom út.Tvær vikur eru síðan bókin kom út en nýr metsölulisti Eymundsson var kynntur um nýliðna helgi. Þar trónir bókin á toppnum yfir mest seldu bækur landsins.
Bókin byggir á dagbókarskrifum Kristborgar í kjölfar skilnaðar hennar við seinni barnsföður sinn haustið 2015 og er gefin út af Bókabeitunni.
Kristborg Bóel er einnig starfandi blaðamaður hjá Austurglugganum/Austurfrétt.