Berufjarðarbotn: Vegagerðin bíður ákvörðunar ráðherranna

Vegurinn um Berufjarðarbotn er enn á lista yfir fyrirhuguð útboð í nýjasta hefti Framkvæmdafrétta Vegagerðarinnar. Talsmaður Vegagerðarinnar segir þann lista ekki hafa neina sérstaka stöðu sem stendur.


Vegagerðin gefur út Framkvæmdafréttir sínar mánaðarlega. Í þeim eru birtir listar yfir fyrirhugð útboð Vegagerðarinnar og nýafstaðin.

Athygli vekur að vegurinn um Berufjarðarbotn er á lista yfir fyrirhuguð útboð í blaðinu sem kom út í vikunni, líkt og vegurinn hefur verið í fyrri tveimur tölublöðum þessa árs – og reyndar töluvert lengur.

Samgönguráðherra lýsti því yfir í byrjun mánaðarins að ekki yrði farið í veginn þar sem ekki væri nægt fjármagn á fjárlögum til að fylgja eftir samgönguáætlun.

Honum og fjármálaráðherra var síðan falið að fara betur yfir málin. G. Pétur Matthíasson, upplýsingafulltrúi Vegagerðarinnar segir í svari við fyrirspurn Austurfréttar að vera vegarins á listanum yfir fyrirhuguð útboð hafi enga sérstaka merkingu. Beðið sé ákvörðunar ráðherranna.

„Þar sem ekki er komin niðurstaða í það, breytum við ekki þessu, ekki fyrr en við vitum alveg fyrir víst niðurstöðuna í ár.“

 

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.