Átta sækjast eftir stöðu upplýsingafulltrúa
Átta einstaklingar sóttu um starf upplýsingafulltrúa Fjarðabyggðar en fresturinn rann út 12. maí síðastliðinn.
Upplýsingafulltrúi hefur umsjón með upplýsinga- og kynningarmálum sveitarfélagsins. Hann starfar á stjórnsýslu- og þjónustusviði og vinnur m.a. að stefnumörkun og þróunarstarfi á sviðinu.
Í auglýsingu er gerð krafa um menntun sem nýtist í starfi, reynslu af upplýsinga- og kynningarmálum og framúrskarandi samstarfs-, skipulags- og samskiptahæfileikar.
Birgir Jónsson, fráfarandi upplýsingafulltrúi Fjarðabyggðar, tók við starfinu við Helgu Guðrúnu Jónsdóttur síðastliðin áramót en hefur verið ráðinn skólastjóri Eskifjarðarskóla frá og með næsta skólaári.
Eftirtaldir sóttu um:
Benóný Harðarson, ráðgjafi.
Björgvin Valur Guðmundsson, leiðbeinandi grunnskóla
Hilmar Þór Hafsteinsson, grunnskólakennari
Jens Einarsson, verkstjóri
Páll Guðmundur Ásgeirsson, framkvæmdastjóri
Rosileide Gomes Costa, kerfisstjóri
Steinunn Steinþórsdóttir, leiðbeinandi leikskóla
Þórður Vilberg Guðmundsson, þjónustufulltrúi
