Arngrímur Viðar efstur Austfirðinga á lista Bjartrar framtíðar
Arngrímur Viðar Ásgeirsson, framkvæmdastjóri ferðaþjónustunnar Álfheima á Borgarfirði, skipar þriðja sæti lista Bjartrar framtíðar fyrir komandi þingkosningar.
Stjórn flokksins samþykkti í gær sex efstu frambjóðendur á framboðslistum í öllum kjördæmum.
Fyrsta sæti listans skipar Preben Pétursson, mjólkurtæknifræðingur, Dagný Rut Haraldsdóttir lögfræðingur hjá Félagi einstæðra foreldra er í öðru sæti, Haukur Logi Jóhannsson verkefnastjóri hjá Rauða krossinum er fjórði, Jónas Björgvin Sigurbergsson nemi er fimmti og Margrét Kristín Helgadóttir, lögfræðingur hjá Fiskistofu er fimmta. Þau eru öll búsett á Akureyri.
Flokkurinn á einn þingmann í kjördæminu, Brynhildi Pétursdóttur, sem gaf það út í sumar að hún gæti ekki kost á sér til endurkjörs.