Ákærður fyrir að falsa númer á eftirvagni
Lögreglustjórinn á Austurlandi hefur ákært ríflega þrítugan karlmann fyrir skjalafals með að setja nýja númeraplötu á eftirvagn. Nokkrar skrautlegar ákærur vegna umferðarlagabrota hafa verið gefnar út af lögreglustjóranum að undanförnu.Brotið átti sér stað síðasta haust. Maðurinn sótti óskráðan eftirvagn á Seyðisfjörð, setti þar á hann nýja númeraplötu og keyrði yfir Fjarðarheiði. Ferð hans var stöðvuð skömmu áður en hann kom í Egilsstaði.
Þá hefur annar karlmaður verið ákærður fyrir að keyra ölvaður upp malarveg að snjóflóðavarnargörðunum í Neskaupstað án nægilegrar aðgæslu.
Á leiðinni niður aftur missti maðurinn stjórn á bifreiðinni þannig hún valt. Farþegi í aftursæti viðbeinsbrotnaði í veltunni.
Þriðji maðurinn er svo ákærður fyrir að hafa sex sinnum keyrt ölvaður undanfarið hálft ár og sviptur ökuréttindum, þar af fimm á fjórum stöðum á Austurlandi. Í eitt skiptið var hann á 104 km/klst hraða á 50 km svæði í útjaðri Reyðarfjarðar.
