Banaslys á Seyðisfirði
Ung kona lést í bílslysi á Seyðisfirði rétt fyrir miðnætti í gær og önnur liggur alvarlega slösuð á Landsspítalanum.
Samkvæmt upplýsingum frá lögreglu fór bíll þeirra út af veginum og niður talsverðan bratta ofan við Hafsíld á leiðinni út á Vestdalseyri. Önnur konan kastaðist út úr bílnum en beita þurfti klippum til að ná hinni úr bílnum.
Boðað hefur verið til minningarstundar klukkan 20:00 í Seyðisfjarðarkirkju. Í tilkynningu segir að allir sem votta vilji samúð sína séu hjartanlega velkomnir. Foreldrar og forráðamenn eru eindregið hvattir til að mæta með börnum sínum.
