Einfalda framsetningu á upplýsingum um loftgæði og mælum fjölgað
Framsetning upplýsinga á vefnum loftgæði.is hefur verið einfölduð en þar hafa menn fylgst með mengun frá eldgosinu í Holuhrauni.Á forsíðu vefsins er nú hægt að sjá tölur um brennisteinsmengun frá öllum nettengdum mælum í rauntíma. Fimm slíkir eru á Austurlandi, þrír þeirra á Reyðarfirði en hinir tveir eru á Egilsstöðum og Vopnafirði.
Fyrir neðan upplýsingarnar er tafla sem sýnir með samsvarandi lit hvernig best er bregðast við í hvert sinn sem mengun kemur upp af tilteknum styrkleika.
Mælar eru að auki í flestum þéttbýlisstöðum á Austurlandi en ekki nettengdir. Nýverið var bætt við mælum á Stöðvarfirði og Eskifirði eftir að ósk barst um það frá íbúasamtökum.
