Sumarbústaður í Seldal illa farinn eftir eldsvoða

eldur seldal 19082014 kh2 webSumarbústaður í Seldal í Norðfjarðarsveit er illa farinn eftir eldsvoða í dag. Einn var í bústaðnum og var hann fluttur á sjúkrahús með grun um reykeitrun.

Slökkviliði Fjarðabyggðar barst tilkynning frá Neyðarlínunni klukkan 13:32 í dag og var komið á vettvang tíu mínútum síðar. Greiðlega gekk að slökkva eldinn sem logaði glatt þegar slökkviliðið kom á vettvang og svo virðist þá hafa kraumað í nokkurn tíma.

Einn var í bústaðnum þegar eldurinn kom upp og reyndi hann að ráða niðurlögum eldsins með slökkvitæki. Það gekk þó ekki og var honum hjálpað út af manni úr nágrenninu. Sá fyrrnefndi var fluttur á Fjórðungssjúkrahúsið í Neskaupstað með grun um reykeitrun.

Sumarbústaðurinn stendur enn uppi en tjónið virðist töluvert þar sem hann er illa farinn eftir eldsvoðann. Eldsupptök eru ókunn.
 
Mynd: Kristín Hávarðsdóttir

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.